Wednesday, December 21, 2011

كان في بلدنا

كان في بلدنا

 كان في بلدنا غول أنتيكا
.أسود زي الليل والهم
لأجل يبوس أعتاب أمريكا
يشفط عرق الناس والدم
ساعة ما يحمر في عيونه
قال فاكر ماحناش كاشفينه
الرعشة في إيدُه ورجلينه
بسلامته فاكرنا هنتخم
الكلب بيعبد أمريكا..
ويطاطي ولا مرة يشم
قتل الشهدا، واسمه سيكا 
ويهوذا بقى الخال والعم
الخاين باع نيلنا ودينه
يبصم ويمرغ في جبينه
هيروح فين وإحنا محاصرينه

1 comment:

  1. الخاين باع نيلنا ودينه
    يبصم ويمرغ في جبينه
    هيروح فين وإحنا محاصرينه

    ReplyDelete