Saturday, December 24, 2011

ساعة العصاري


ساعة العصاري

ساعة العصاري يا نسايم
والبحر نايم
وأنا هايم
ماشيه الحليوة وخلخالها
يحكي الحكايه اللي ف بالها
يا أبو البنيه
صبرك شويه
وادي الكحيله لخيالها
البنت قالت أشوف بختي
وكفايه فى الحب مناهده
وأعرف نصيبي
عشان يا ختي
يطمن القلب ويهدا
قال الودع لما حكى لها
على الحكايه اللى ف بالها
يادي الصبيه
صبرك شويه
وإدي الكحيله لخيالها
و الحلوة قالت يا نصيبي
هات العدل
ولا تستعجل
دا العمر مهما يمشي بي
تروق وتحلا وتتعدل
والحرة تلبس خلخالها
لايق عليها وحلالها
يا إبو البنيه
صبرك شويه
وادي الكحيله لخيالها

1 comment:

  1. صبرك شويه
    وادي الكحيله لخيالها

    ReplyDelete