انا الفريق احمد شفيق
انا الفريق احمد شفيق
راجل بحب اكون رشيق
ابن النظام و اكبر صديق
للي حكم مصر بأمان
و مشيت معاه طول الطريق
طيار بطير وسط الظلام
و الحرب عندي مش كلام
الحرب خدعة و انتقام
انا قتلت و اتقتلت
و كنت دايما واد تمام
و بنيت لكم احسن مطار
وعملت صالة الانتظار
و برج عالي للردار
ايه يعني كام مليون جنيه
وياها كام مليون دولار
بقاميصي تحسبني مشير
و البدلة تقلبني سفير
اما البلوفر شيء مكيير
بيحط في روح الشباب
في عينيهم صغير مش كبير
الجيش بتاعي و لعبتي
و الشرطة تيجي في جيتي
و فلول بتفرش سكتي
صناديق ورق متقفلة
علشان تبين قوتي
انا الفريق مش طرشجي
راجل فلول مش ثورجي
و لا عندي نصبة قهوجي
و الأمن عارف سكته
في يومين حجيب البلطجى
انا الرئيس بعد الرئيس
جاي من هنا علشان حسيس
و المعترض حيعيش تعيس
حا اطفي ناره في الميدان
و حبقي انا برضه الرئيس .
_____ أحمد فؤاد نجم ____
No comments:
Post a Comment